Nasapwan nga patay ang isa ka myembro sang LGBQT+ community kag yara na sa advanced state of decomposition sa likod mismo sang patyo sa Brgy. Barrio Calinog, Iloilo.
Ang biktima amo si Henson Lebuna Latoza, 23, estudyante, kag residente sang Brgy. Marandig, Calinog, Iloilo.
Sa interview sang Bombo Radyo kay Police Major Miles Dieron, hepe sang Calinog Municipal Police Station, iya ginpahayag nga pila na ka adlaw nga missing si Latoza, kun sa diin naglisensya pa ini nga may baklon lang kag magpakigkita sa iya nga abyan.
Suno kay Dieron, umpisa Mayo 23 sang hapon wala na nakita ang biktima kag wala naman ini nakabalik sa ila puluy-an, kag nasapwan nalang siya kahapon nga adlaw sa likod sang patyo sang Calinog.
Base sa imbistigasyon, indi pa matumod kun may yara sang foul play nga natabo bangud bagul kag pang-idalom nalang nga bahin sang lawas ni Latoza ang nabilin.
