Isa ka iloy ang hinali lang ng nagsininggitan sa ila puluy-an sang natukiban nga ang ginhampangan sang iya kabataan amo ang abo sang ila lolo.
Didto ini natabo sa Colorado, U.S.A.
Gindumdom sang mga bata nga yab-ok lang ang unod sang suludlan sang abo sang ila lolo.
Suno kay Monica Long, isa ka single mom sa tatlo ka mga anak nga lalaki, ginbayaan niya ang mga anak nga naga-edad 2 kag 3 sa banyo samtang nagahanda siya para sa kaadlawan sang iya agot nga bata.
Sa sulod sang apat ka minuto, nahimo sang duha nga maglapta sang kaangay sang “puti nga yab-ok” sa ila nga lawas kag salog kag possible nga nakaon pa nila ini.
Bangud masako sa pagpanglimpyo, gintinluan niya ini gamit ang vacuum.
Pila ka adlaw pa ang nagligad sang natukiban niya nga wala na sang unod ang suludlan sang abo sang iya napatay nga amay.
Sa pihak sang natabo, wala man nangakig ang iloy kag naham-ot pa gani ini sa iya kabataan kag nagapati siya nga bisan ang iya amay ang naham-ot man sa ginhimo sang mga apo.
