Yara na sa bastante nga lebel ang na-impound nga tubig sang Jalaur River Multipurpose Project II sa Calinog, Iloilo.
Sa interview sang Bombo Radyo kay Steve Cordero, spokesperson sang National Irrigation Administration, iya ginpahayag nga gikan sa 189 nga full height sang high dam, yara na ang lebel sang tubig sa 171 meters.
Suno kay Cordero, katumbas ini sang 125. 52 million cubic meters nga volume gikan sa 150 million cubic meters nga full capacity.
Pahayag ni Cordero, mahimo pa nga madugangan ang volume sini sa pagsulod sang tig-ululan.
Pahayag ni Cordero, sa tion nga mangin operational na ang dam, powede nag magamit ang tubig sa irigasyon sa mga lugar nga sakop sang service area sang dam.
Ang Jalaur River Multi-Purpose Project Stage II (JRMP II) amo ang una nga large-scale water reservoir nga gintukod sa Visayas kag Mindanao regions.
Ini ang flagship project sang National Irrigation Administration sa Western Visayas.
