Ginalantaw sang Land Transportation Office (LTO) Region 6 ang posibilidad sang pag-adopt sang Western Visayas sang No Contact Apprehension Program (NCAP) nga una ginpatuman sa Metro Manila.
Sa interview sang Bombo Radyo kay Atty. Gaudioso Geduspan II, Director sang Land Transportation Office Region 6, iya ginpahayag nga gina-abi-abi sang talapan ang tikang nga ginpatuman sang Metropolitan Manila Development Authority (MMDA).
Suno kay Geduspan, ginalantaw diri ang record sang mga road crash incident sa rehiyon, pananglitan nga ipatuman gidman ang NCAP.
Ginpahayag man sini nga ginalantaw man sang LTO ang posibilidad nga reklamo halin sa motorista may kaangtanan sa madugay nga byahe sa dalan bangud sa tikang.
Dugang sang natungdan nga lakip sa balasehan diri karon amo kon nagabuhin gidman ang mga insidente sa dalan sugod sang pagpatuman sini sa Metro Manila.
Una na nga gintuad sang MMDA nga nagnubo ang numero sang verified violations sa Metro Manila halin sa 1,112 sang Lunes tubtob sa 952 sang Martes, Mayo 27 rason nga nagapati ang MMDA nga epektibo ang NCAP.
