Ginsabat ni Defense Secretary Gilberto ‘Gibo’ Teodoro ang mga impormasyon nga ginpalapta sa Chinese social media nga ginlikawan ni Armed Forces of the Philippines (AFP) chief General Romeo Brawner, Jr. ang mga pamangkot nga naangot sa China sa dialogue sa Singapore.
Suno sa defense official, wala sang high-ranking delegates nga ginpadala ang China, apang nag-send sila sang magapakuno-kuno bilang journalists agud pamangkuton ang mga opisyal sang Pilipinas.
“Wala dito ang Tsina. Ayaw nilang magpunta, ngunit may nagpapanggap na journalist na hinahabol kami ni CS [AFP Chief of Staff General Romeo Brawner Jr.]. Si CS hindi sumagot sa tanong nila, ako ang nakipagsagutan dahil ang tanong nila pabalagbag tapos ang narrative nila sa WeChat baliktad na,” suno sa tiglikom.
“Yan ang mga gawain ng China dito,” pagklaro ni Teodoro. Dugang sini, sang ginpamangkot na siya, nagsabat gid siya ilabi na sang ginpasibangdan ang Pilipinas nga “proxy” lang sang Estados Unidos sang Amerika. Pahayag naman sini, kawatan man sang teritoryo ang China.
“Nakipagsagutan ako nang matagal…. Sila [China], magnanakaw ng teritoryo! Edi, nagsagutan na kami nang nagsagutan.”
Nagpaathag naman si General Brawner kun ngaa wala siya nagsabat sang una siya nga ginpamangkot. Pahayag sini, ginbanggaan lang siya kag wala na siya nag-sabat pa bangud nga nagadali sila sa ila nga kaladtuan. Sang nagguwa na ang istorya sa Chinese social media suno sa iya, ginplastar na nga nagapalagyo ang Philippine officials sa mga pamangkot.
Sal-ot naman ni Teodoro: “Ina-agrabyado nila ang Pilipinas, eh natural, sasagutin ko!” Sa separado nga video, ang intro sa sabat sang tiglikom sa Chinese officer amo ang: “Thank you for the propaganda spiels disguised as questions.” Matunog ini nga ginpalakpakan sang audience.
Sa amo man nga public forum, nanindugan pa si Teodoro: “I would like to reiterate that the Philippine position on the West Philippine Sea is not a function of Sino-American strategic rivalry. Instead, it is caused, no doubt, by the overreach of the Chinese Communist Party of which the most glaring evidence is the nine, 10 or 11-line that has absolutely no basis in international law.”
Pahayag naman ni Brawner sa video sang AFP: “Lalaban tayo. Hindi tayo papayag na api-apihin!”#
