Ginakonsiderar ni Iloilo City Mayor Jerry Treñas nga isa ka legasiya ang pagka-Ilonggo nga ginalantaw man sini nga ‘best legacy’ nga iya nabilin para sa syudad sa tion sang iya termino.
Sa interview sang Bombo Radyo kay Mayor Treñas, iya ginpahayag nga madamo na sang naubra ang syudad sa tion sang iya liderato, apang sa piyak sini, isa ka dungog sa gihapon ang mangin isa ka Ilonggo.
Suno kay Treñas, ang pinaka-importante sa tanan nga iya naubra sa syudad indi amo ang imprastruktura, mga dalan, building, drainage,plaza, kag merkado, kundi ang ‘sense of pride’ sang isa ka Ilonggo.
Dugang sini nga sang nagsulod siya sa pulitika sang 2001, ginatawag ang syudad nga isa sa ‘dirtiest cities in the Philippines’ nga tuman na ka layo subong bangud sa circular economy nga ginalakipan sang proyekto nga waste to energy.
Pahayag pa sang alkalde, bunga ini tanan sang partnership sang syudad sa mga pribado nga sektor.
Ginpabugal man ni Treñas ang pasidungog nga nakuha sang Iloilo City sa lokal man, nasyonal, kag international.
