Patay ang nagakarga-tapas sang tubo matapos nga ginaalegar ginluthang ang iya nga kaugalingon gamit ang armas sa Brgy. Aglalana, Passi City.
Ang biktima amo si certain Roland, 23-anyos, residente Barangay Danao, Janiuay, kag manogkarga-tapas sang tobo sa Brgy. Aglalana.
Sa interview sang Bombo Radyo kay Werne Padernal, tag-iya sang balay kon sa diin ginaalegar nag-suicide ang biktima, iya ginpahayag nga posible ang ginaalegar nga pagmolestya sang biktima sa iya nga menor-de-edad nga nobya ang rason kon ngaa nahimo sini nga utdon ang iya nga kabuhi.
Suno kay Padernal, takna mga alas-3 sang hapon sang nagpahuway-huway si certain Roland sa iya puluy-an kag nagpungko sang hinali lang nga may nabatian ini nga gulpi lang nga may naglupok.
Didto kag nasapwan sini nga dugo-on na ang biktima.
Gilayon man nga naguwa ang natungdan agud ipahibalo nga ginluthang sang biktima ang iya kaugalingon, kon sa diin, gindala pa sa ospital.
Kasunod sini, ginlibot ang balay kag didto nakita ang sling bag nga itom kag nakit-an man ang sulodlan sang pusil apang wala nakit-an ang armas.
Suno kay Kagawad Garly Padernal, indi pa man matumod sang kapulisan kon nag-suicide gidman ukon ginpatay ang biktima.
Dugang sang natungdan nga posible nga ang rason sang pag-utod sang kabuhi sang biktima amo ang ginapahayag naabtan sila sang iloy sang iya nga nobya nga nagahulid.
Ginaalegar nga nagtulod man ini sa iloy nga magpasaka sang kaso batok sa biktima bangud menor-de-edad ang iya anak, rason, nga wala ini nadula sang panghuna-huna ni certain Roland.
