Nagkinagual ang mga estudyante sa isa ka pampubliko nga eskwelahan matapos nagdala sang granada ang isa sa mga estudyante para sa classroom activity.
Natabo ini sa United Kingdom.
Suno sa report, may yara sang activity nga “Show-and-Tell” ang isa ka klase sa Osmaston Church of England Primary School sa Ashbourne, Derbyshire.
Hinali lang nga nagpagwa sang granada halin sa panahon sang World War II ang isa ka estudyante.
Ang “Show and Tell” ang classroom activity kun sa diin ginaganyat ng mga estudyante nga magdala sang isa ka bagay halin sa ila nga balay kag ipaathag ini sa klase bilang kabahin sang paghanas sa paghambal kag pagpakigbahin sang personal nga eksperyensya.
Suno sa head teacher nga si Jeanette Hart, gilayon niya nga ginkuha ang granada sa kamot sang bata kag ginbutang sa likod sang isa ka dako nga puno sa parking lot samtang ginahulat ang pag-abot sang mga otoridad.
Matapos ang maid-id nga pag-usisa gamit ang X-ray equipment, ginkumpirma sang military bomb experts nga indi na aktibo ang granada kag wala sang kasarang nga magsigabong.
