Tuman nga pagkanugon ang nabatyagan sang mga himata sang soltero nga nasapwan nga patay sa Aglalana, Passi City.
Ang biktima amo si certain Roland, 23-anyos, residente Barangay Danao, Janiuay, Iloilo.
Sa interview sang Bombo Radyo kay Vanesa Cataluna, magulang sang biktima, iya ginpahayag nga nagabuligay sila nga mag-utod para mahatag ang kinahanglanon sang ila ginikanan.
Suno kay Cataluna, sang damlag lang sang naoperahan ang ila iloy bangud sa ginasuprir nga balatian nga cancer samtang ang ila amay naman ang isa ka stroke survivor nga indi pa normal ang hulag bangud paralisado gihapon ang isa ka kamot.
Pahayag ni Cataluna, maayo gid nga utod kag anak sa ila ginikanan ang biktima.
Sa subong, hustisya ang ila ginasinggitan bangud sa pagpati nga hungod nga gintiro ang ila himata.
