Patay ang 11 ka mga tawo kag nasamaran ang halos 50 ka iban pa samtang ginapatigayon ang selebrasyon sa guwa sang cricket stadium sa Bengaluru sa India.
Nagtipon ang fans sa amo nga lugar para iselebrar ang una nga Indian Premier League title nga nakuha sang Royal Challengers Bengaluru.
Samtang padayon ang pagkinalipay, may iban nga nagpanagil-ot bisan nga wala sang pass rason nga nag-ginutok na sa main arena.
Antes sini, may libre nga ticket nga ginpanghatag apang nagpaandam man una ang awtoridad nga limitado lang ang ila mahatagan.
Nahibaluan nga pamilyar ang India sa kaangay nga mga insidente sa tagsa magdamo ang mga tawo.
Sa religious event nga Maha Kumbh Hindu festival sang Enero kun sa diin minilyon ang nagkadto agud magpaligo sa balaan nga tubig, 30 man napatay bangud sa pagdis-uganay.
