Ginplastar sang Department of Finance (DOF) nga yara pa sa “sustainable level” ang utang sang Pilipinas — kag mas manubo pa gani ini ipaanggid sa mga kaiping nga nasyon sa Asya.
Yara sa P16.75 trillion ang total outstanding debt sang national government.
Sa listahan nga ginpaguwa sang Finance Department, yara naman sa P485.94 trillion ang utang sang Japan, P53.68 trillion ang iya sang Singapore, P46.89 trillion ang iya sang South Korea, P31.37 trillion ang iya sang Indonesia, kag P17.73 trillion naman ang iya sang Thailand.
Suno sa ahensya, padayon nila nga gina-manage ang utang sang gobyerno kag ginatinguhaan nga mabalik ang debt-to-gross domestic product (GDP) ratio sa post-pandemic threshold nga 70%.
Nagdepensa man ang department nga sang nag-abot ang Marcos Jr. administration sang 2022, ginsubli na sini nga daan ang P12.79-trillion nga utang.
Halos katunga diri ukon ang P6.84 trillion ang gintutok sa economic stimulus kag response sa COVID-19 pandemic. Ini nga kantidad suno sa ahensya mas daku ipaanggid sa kumbinasyon sang utang halin sa Marcos Sr. administration pakadto sa Aquino administration.
“Despite inheriting the larger debt stock, the Department of Finance has already made improvements to the country s debt statistics by reducing the debt-to-GDP ratio to 60.7% in 2024 via a prudent debt management strategy,” suno sa ahensya.
Dugang sini: “With the economy continuing to grow faster reaching about P36.8 trillion in 2028 compared to its obligations, the country remains firmly on track to reduce the debt-to-GDP ratio to below 60% by the end of the President’s term.”
