Nakumpiskar ang masobra P61,000 nga balor sang ginapasuni shabu sa isa ka 43-anyos nga lalaki sa drug buy bust operation sa Barangay Agboy Sur, Leon, Iloilo.
Ang subject amo si alias Jerry, residente sang amo man nga lugar, wala sang permanente nga trabaho, kag na-identify nga isa ka street level individual (SLI).
Nakuha sa paghinakop sini ang siyam ka gramos sang suspected shabu nga may estimated street value nga P61,200 amo man ang mga drug paraphernalia.
Sa interview sang Bombo Radyo kay Police Captain Martin Pugales, hepe sang Leon Municipal Police Station, ginpahayag sini nga sa Leon ang area of operation sang subject kag ginaalegar nga nagahalin ang suplay sa Iloilo City.
May kaso man ini sang ginaalegar nga pagpangawat sang 2018 apang na-acquit ini sang 2020.
Mangatubang si alias Jerry sang panumbungon nga paglapas sa Republic Act 9165 ukon sa Comprehensive Dangerous Drugs Act of 2002.
Photo: Leon Municipal Police Station
