Ginpamatud-an sang isa ka anay rebelde nga may maayo nga resulta gid ang pag-usoy sa tadlong nga dalan sa kabuhi.
Ini ang pinasahi nga istorya ni alyas Kenken nga nag-surrender sadto sa 61st Infantry (Hunter) Battalion kag amo man ang nangin panugod sang iya bag-o nga kabuhi.
Nag-enroll siya sa Iloilo Science and Technology University (ISAT U) – Miagao Campus, Iloilo kag nagkuha sang Bachelor of Industrial Technology degree.
Sang Hunyo 5, matapos ang tinuig nga pag-eskwela, dungganon nga nagsaka sa entablado si Kenken.
Nasaksihan man ini sang mga katapo sang 61IB nga sanday Sgt. Peter B. Silva (Inf) PA, Public Affairs NCO kag PFC Aniemae S. Carillo (Inf) PA, Civil Affairs NCO.
Ang ila presensiya nagapakita man sang mapag-on nga suporta sang Philippine Army sa mga former rebels nga ginpili ang kalinong kag edukasyon.
