Nagdangat na sa anom ang napatay sa pinakaulihi nga pag-atake sang Russia sa Ukraine kag 80 pa ka iban ang ginreport nga pilason.
Suno kay Kharkiv Mayor Ihor Terekhov, nagpadala ang Russia sang 48 ka drones, 2 ka missiles kag 4 ka gliding bombs padulong sa siyudad sa nagligad nga gab-i.
Bangud diri, madamo ang nalista nga nahalitan sa lugar, kag madamo nga mga puluy-an ang naigo.
Padayon man ang pagpagwa sang Ukrainian Air Force sang mga pagpaandam sa posible nga lapnagon pa nga aerial strikes sa Kharkiv.
Nahibaluan nga ang bag-o kag lapnagon nga pag-atake sang Russia amo ang nagsunod sa major drone attack sang Ukraine sa mga airfields sang Russia sang nagligad nga semana.
Wala pa man sang klaro subong kon ini nga atake amo ang kabug-usan nga pagtimalos sang Russia, ukon may plano pa nga pasangkaron pa gid ang tensyon.
