Arestado ang isa ka lesbian nga yaya bangud sa ginahimo sini nga sekswal nga pag-abuso sa babaye nga bata sang iya nga employer.
Natabo ang ginaalegar nga pagpang-abuso sang 2024 sa siyam ka tuig nga bata sa Marikina City kun sa diin 15 ka beses nga ginhimo ini sang suspek sa bata.
Ginkilala ang suspek nga si “Jennifer nga ginlista sang Eastern Police District (EPD) bilang No. 3 most wanted person.
Siya ang gindakop sang Station Intelligence Section sang Marikina City Police Station sa Candelaria, Quezon sang Hunyo 7.
Suno sa otoridad, nagserbe ang suspek bilang kabulig sa balay kag yaya sang bata.
Sang Septyembre 21, 2024, nangisog ang biktima nga manugid sa iya iloy kag nadangop ini sa otoridad nga nagresulta sa pagkaaresto sa suspek nga detained subong sa Marikina City Police Station Custodial Facility kag nagapangatubang sang nagakaigo nga kaso.
