Isa ka grupo sang mga squatter sa banwa sang San Miguel de Pedroso, Burgos Province sa Spain ang sentro sang atensyon matapos sila nagpatakod sang alarm system agud bantayan ang isa ka balay nga ila nga illegal nga gin-okupa.
Suno sa mga residente sang lugar, ang balay ang madugay na nga wala ginaistaran sang tag-iya sang halos duha ka dekada.
Gani ginhingalitan ini sang mga squatters.
Apang sa baylo nga sekretuhon, ginhaboy nila ang tanan nga daan nga gamit sa bintana, nagdala sang ila nga kagamitan kag nagpatakod pa sang alarm system — kumpleto sa paandam nga “NO ENTRY.”
Gintuyo pa sang mga ini nga magparehistro sa lokal nga otoridad agud himuon nga legal ang ila nga pagtinir sa lugar apang wala ginpasugtan.
Magluwas sa balay, gin-angkon man sang mga squatter ang tupad nga bakante nga lote kag ginhimo nga kurungan sang ila nga mga ido.
Tatlo ka reklamo na ang ginpasaka sang orihinal nga tag-iya apang wala pa sang tikang ang otoridad.
