Patay ang 31-anyos nga biktima sa Brgy. San Pedro, Jaro, Leyte sang aksidente ng matiruhan sang iya nga kumpare matapos nga masal-an nga baboy talunon sa kagulangan.
Ang biktima amo si alyas Jun, samtang ang suspek naman amo si alyas Haping, 43-anyos, kag pareho nga residente sang nasambit nga barangay.
Suno sa otoridad, nagpadulong sa bukid sang nasambit nga lugar ang biktima kaupod ang suspek kag isa pa sini nga kumpare para mangayam sang baboy talunon.
Pag-abot sang mga ini sa bukid, nagseparar sa ruta ang biktima para kuntani sa mas dako nga tyansa nga makadakop sang baboy talunon.
Pagligad sang pila ka oras, namutikan sang suspek nga may nagahulag sa kahilamunan gani iya ini gintiro sa pagdumdom nga isa ini ka baboy talunon apang sang iya na ginkadtuan, tawo ang iya natiruhan kag ini ang iya nga kumpare.
Improvised homemade shotgun ang gin-gamit sang suspek.
Igo sa liog ang naangkon sang biktima nga gindala pa sa hospital apang gindeklarar nga dead-on-arrival.
Boluntaryo naman nga nagsungka ang suspek.
Desidido naman ang pamilya sang biktima nga magpasaka sang kaso.
