Padayon ang monitoring sang Municipal Health Office (MHO) sang Malapatan, Sarangani Province sa 30 ka tawo nga nag-ihaw kag nagkaon sa ido nga nagkagat sa isa ka bata nga lalaki nga napatay bangud sa rabies sa Barangay Kihan sang nasambit nga banwa.
Suno sa otoridad, sang Hunyo 10 napatay ang 9-anyos nga bata nga lalaki nga nakagat sang ido sang Mayo 18 samtang nagahampang sa gwa sang ila nga balay apang wala nanugid ang bata.
Sang Hunyo 9, nakabatyag ini sang mga sintomas gani gindala sa Rural Health Unit (RHU) kag nahatagan sang una nga dose sang bakuna.
Apang pagkasunod nga adlaw, naglala ang mga sintomas tubtob napatay ang bata.
Gilayon nagpatigayon sang contact tracing ang health authorities kag nadiskubre nga gin-ihaw kag ginkaon sang 30 ka tawo ang ido gani ginpaidalom sila sa isolation.
Nabakunahan na man ang nasambit nga indibidwal.
Ginaimbestigaran man kun mahimo sila nga pasakaan sang kaso angot sa pag-ihaw sa ido nga posible nga may rabies.
Batay sa datos ng MHO-Malapatan, ito ang unang naitalang kaso ng rabies na ikinamatay ng menor de edad ngayong taon.
