Gin-aprobahan na sang Department of Trade and Industry (DTI) ang proposal nga paghatag sang insentibo sa mga manufacturers sang mga electric vehicles.
Suno kay Trade Secretary Cristina Roque, naaprubahan na niya ang draft sang EV Incentives Strategy (EVIS) nga ginpasa sang Board of Investments (BOI).
Igasumiter ini sa Fiscal Incentives Review Board (FIRB) para sa hiwaton nga meeting.
Ang nasambit nga tikang ang ginahimo agud magdamo pa ang mga Pilipino nga magabakal sang mga electric vehicle.
