Malipayon nga ginpakigbahin sang former child actress nga si Trina Legaspi ang ila ikaduha nga anak sang iya bana nga si Ryan Jarina.
“We’ve been soaking in every precious moment with our new baby girl, Karis… I almost forgot to post!,” share ni Trina nga kilala man bilang si Hopia. “Thank You, Lord, for another safe and normal delivery. Grabe, during those moments of pushing, akala ko di ko na kaya… pero kinaya ulit by God’s grace!”
Matandaan nga nagbun-ag si Trina sang iya una nga baby girl nga si Kaela sang Marso 2023.
Kilala si Trina bilang child star nga si Hopia nga produkto sang sketch comedy kaupod sanday Kathryn Bernardo kag Julia Montes.
Nag-untat siya anay sa showbiz agud pasulabihon ang iya pagtuon, nag-gradwar nga may degree sa communications sang 2016, kag nagbalik sa spotlight nga may screen name nga Trina Legaspi.
