Ginapakakas sa pwesto ang duha ka opisyal sang Land Transportation Office (LTO) Region 2 matapos sila nga makuhaan sang video nga nangtampa kag nangsipa sang menor de edad sang namablidad ang kaupod sini nga babaye nga singer nga magpalapit sa ila sa Tuguegarao, Cagayan.
Makit-an sa video ang duha ka lalaki nga may kaistorya nga isa pa ka lalaki nga nagapungko.
Hinali lang nga ginsumbag ka ginsipa sang duha ka lalaki ang lalaki nga nagapungko.
Isa ka babaye naman ang nagpatunga agud magtambag apang may nagbutong sa iya buhok.
Ginpahayag nga ang biktima isa ka 15-anyos nga menor de edad kag may kaupod pa gid ini nga ginsakit man sang mga suspek apang wala nakuhaan sang video.
Ang mga suspek nga opisyal sang Land Transportation Office Region 2 amo sanday Assistant Regional Director Manuel Baricaua kag Chief Enforcer Charles Ursulum.
Ginsuspend na sang LTO si Baricaua bilang kabahin sang standard operating procedure sang ahensiya.
Ginmando naman ni Department of Transportation Secretary Vince Dizon nga kakson sa pwesto sanday Baricaua kag Ursulum.
Nagpalab-ot naman ang DOTR kag LTO Central sa duha ka mga biktima kag buligan sila kun luyag nila nga magpasaka sang kaso.
