Nagpirmahanay sang Memorandum of Agreement (MOA) ang Iloilo City Government kag Philippine Health Insurance Corporation (PhilHealth) subong nga adlaw natuhoy sa pag-enroll sang ginabulubanta 4,000 ka mga job hire sa Group Enrollment Program sang National Health Insurance Program (NHIP).
Ang MOA signing gintambungan nanday Iloilo City Mayor Jerry Treñas, City Administrator Melchor Tan, PhilHealth Regional Office 6 Acting Vice President Lazaro Tabsing, Field Operations Division Chief Junie Sabusap kag pila pa ka mga representative sang PhilHealth.
Ang kasugtanan sa tunga sang duha ang may tinutuyo nga mahatagan sang mga health benefits ang mga job hire kag maka-conduct sang regular nga Information and Education Campaign (IEC) agud ma-familiarize sang mga enrollees ang polisa sang PhilHealth, benepisyo, availment procedures, kinamatarong kag obligasyon sa idalom sang program.
