Patay ang isa ka kagawad sang ginpaulanan ini sang bala sang wala pa nakilala nga suspek samtang may kaistorya ini sa iya nga cellphone sa Sitio Inang Sayahin, Barangay Naga Cruz sa Pitogo, Quezon.
Ang biktima amo si Jonard Alcantara Ariola, 48-anyos, residente kag kagawad sa Barangay Naga Cruz.
Suno sa otoridad, hinali lang nga nag-abot ang suspek sa kilid sang balay sang biktima kag ginpaarakan ini sang luthang.
Madasig naman nga nagpalagyo ang suspek matapos ang insidente dala ang iya pusil.
Narekober sa crime scene ang pito ka basiyo sang bala kag tatlo ka deformed slug.
Padayon pa ang imbestigasyon sang mga otoridad angot sa krimen.
