Indi lahog- lahog ang nadangtan sang isa ka babaye sa United States matapos mag-angkon sang malala nga impeksiyon sa sinus nga nagsugod bangud sa utot sang iya nga nobyo.
Suno kay Christine Connell, nag-umpisa ang iya masakita sang 2016.
Sa iya pagsaysay, nagahigda siya sa kama sang hinali lang nag-utot ang iya nobyo direkta sa iya nawong.
Sa una, nagkadlaw lang sila sa natabo apang makaligad ang pila ka adlaw, nakabatyag si Christine sang barado nga ilong, sakit sang ulo, sip-on kag hilanat.
Naglala ang sintomas kag naglawig sang tinuig tubtob napilitan siya nga magpalantaw sa mga doktor.
Nadiskubrehan nga may Escherichia coli o E. coli bacteria sa iya nga sinus.
Ang E. coli masami nga makit-an sa tinai kag indi sa ilong.
Suno sa mga eksperto, posible nagsulod ang bacteria sa lawas ni Christine bangud maluya ang iya nga immune system.
Pila ka ka mga bulong ang iya gintilawan apang nagabalik-balik ang impeksiyon.
Bangud sini, ginkonsiderar sang doktor nga operahan ini kag kakason ang infected nga tissue sa iya nga ilong.
Pahanumdom niya nga indi pagpabay-an ang mga sintomas kag samtang temprano pa, ipalantaw na ini sa doctor agud indi na maglala pa.
Panugyan man sini sa tanan nga kun mahimo, likawan nga ototan ang sin-o man nga tawo bangud basi matabo man ini sa ila.
