Natigayon liwat ang pag-refer sang Provincial Board sa concurrence of appointment sang bag-o nga Secretary sang Sangguniang Panlalawigan nga si Atty. Henida Genise sa duha ka komitiba: ang Committee on Human Resource Management and General Services kag Committee on Rules.
Sa interview sang Bombo Radyo kay 4th District Board Member Domingo Oso, Jr., iya ginpahayag ng igatugyan nila ang appointment ni Atty. Genise sa 15th Sangguniang Panlalawigan members 15th Sangguniang Panlalawigan members.
Suno kay Oso, base sa internal rules sang sanggunian, kinahanglan ang concurrence ukon pag-apruba sang mga myembro sa pag-appoint sang SP Secretary.
Ginpaathag man ni Oso nga suno sa Omnibus Rules on Appointment and other Human Resource Action sang Civil Service Commission (CSC), Section 113, ginadumilian ang appointment sa mga opisina sang gobyerno pagkatapos sang eleksyon tubtob Hunyo 30, maluwas lang kon natuman ang mga requirements.
Lakip sa mga kinahanglanon amo ang masunod:
Ang appointee dapat nakapasar sa minimum qualification standards sang posisyon nga gina-aplikaran, suno sa special law.
Kinahanglan nga ang appointee na-screen sang Human Resource Merit Promotion and Selection Board (HRMPSB) antes ang election ban.
Ang appointment dapat ginakabig nga “urgent” kag dapat nagasunod sa Civil Service Law kag mga special laws.
Gin-athag man sang opisyal nga wala siya sang plano nga punggan ang appointment apang bilang mamalidha sa probinsya nagakinahanglan nga id-idon ang technicalities sa appointment.
Madumduman nga gin-appoint ni Vice Governor Christine Garin si Atty. Genise sang Hunyo 2.
