Gindeklarar sang Commission on Elections (Comelec) Second Division si Rep. Bienvenido “Benny” Abante bilang duly elected Representative sang 6th District sa Manila sa 2025 elections.
Ini matapos nga gin-void sang poll body ang certificate of candidacy ni Luis “Joey” Chua Uy matapos nag-file si Abante sang petisyon batok sa iya angot sa Filipino citizenship ni Uy.
Gin-alegar ni Abante nga wala dapat nakakuha sang status sang isa ka natural-born citizen si Uy bangud wala man sang amo nga status ang iya amay sang tion sang ginbun-ag ang respondent nga si Uy.
Sa pihak sang panindugan ni Uy nga isa ini ka natural-born citizen sang Pilipinas, nagdesisyon ang Comelec Second Division nga naturalized citizen si Uy kag ind natural-born Filipino.
Sa 22 ka pahina nga ruling, ginsiling sang poll body nga si Uy ang ginkonsiderar bilang non-candidate kag ang iya certificate of candidacy ang void ab initio.
