Nalipong na naman ang komedyante nga si Boobay samtang yara sa tunga-tunga sang isa ka event.
Makit-an sa video nga masinadyahon nga naga-perform ang comedian, nagalakat-lakat samtang naga-wave sa audience, apang wala pa natapos ang performance sini sang naghinay ini sa paghulag kag natumba.
Maayo na lang bangud nasalo ini sang isa ka babaye kag wala nagtupa ang iya ulo sa matig-a nga bagay.
Gintatap sang organizers ang komedyante samtang yara sa likod sang stage, apang sang ulihi, nagbalik pa gid ini sa pag-perform kag natapos gid ang event.
Nagpanawagan naman ang fans nga magpahuway na lang anay ang komedyante.
Indi ini ang una nga medical related incident kay Boobay.
Sang Abril 2023, samtang yara sa live interview sa veteran host nga si Boy Abunda, nagsuprer man ini sang absent seizure, samtang sang 2024 nalipong man ini samtang naga-host sa Aparri, Cagayan.
Una na nga ginpakigbahin ni Boobay nga ini nga seizures ang resulta sang ginsuprer sini nga mild stroke sang 2016.
