Nabun-an ang isa ka lalaki bangud gid lamang sa ginhaboy nga liso sang sandiya sa isa ka namatyan sa Pantabangan, Nueva Ecija.
Ang biktima isa ka 30-anyos nga mangunguma samtang ang suspek naman isa ka 37-anyos nga kumpare sini.
Suno sa otoridad, magkaupod nga nagainom ang duha kaupod ang iban pa sa isa ka namatyan.
Ginpahayag nga naglahug ang biktima paagi sa paghaboy sang liso sang sandiya sa suspek.
Ginpatihan nga nainsulto ang suspek sa ginhimo sang biktima gani nagkuha ini gilayon kag ginbuno sa ulo.
Madasig naman nga gindala sa ospital ang biktima.
Natigayon naman nga maaresto ang suspek.
