Padayon nga ginalagas sang Schools Division of Iloilo City ang mga bakante nga slot sang manunudlo sa syudad agud nga ma-fill in kadungan sang pagbukas sang klase subong nga tuig.
Sa interview sang Bombo Radyo kay Ma. Luz Delos Reyes, Schools Division Superintendent sang Iloilo City, iya ginpahayag nga ma-hire ang talatapan sang 32 ka mga teacher 1 items nga nakabase sa localization kon sa diin ang bakante.
Suno kay Delos Reyes, sa kontraktwal nga items nga funded sang Iloilo City kag Special Education Fund, maga-hire man sang 32 ka mga manunudlo.
Ginpahayag man sini nga ang mga teachers nga may specialization sa Special Education (SPED) ang isaylo sa SPED Centers samtang ang ila items nga mabakante amo ang pasudlan sang Local Government Unit (LGU) Paid teachers.
Gin-athag man sang natungdan nga pareho lamang ang mangin sweldo nila sa regular teachers kag may all in nga benepisyo.
Sa kabug-usan may yara sang 64 ka mga bag-o nga manunudlo ang kuhaon sang Schools Division of Iloilo City sa school year 2025-2026.
