Nakaluwas sa kamatayon ang isa ka councilor-elect sa tuyo nga pagluthang sa iya matapos wala naglupok ang pusil sang gunman sa Hagonoy, Davao del Sur.
Base sa imbestigasyon, may nag-abot nga isa ka motorsiklo sa kilid sang karsada sang Barangay Población kun sa diin base sa kuha sang CCTV,may ginkuha sa bag ang angkas sini bag-o ginlagas ang isa ka lalaki nga amo ang councilor-elect nga si Melvin Ordaneza.
Nakadalagan si Ordaneza kag nagsulod sa barangay hall.
Gilayon naman nga nagpalagyo ang suspek matapos wala nagmadinalag-on ang iya tuyo kay Ordaneza sang wala naglupok ang pusil.
Wala pa matumod ang suspek.
Ginsiling naman ni Ordaneza nga wala man siya sang kaaway gani palaligban sa iya kun sin-o ang sa likod sini.
