Ginkumpirma sang kapulisan nga madamo na sang malain nga record sa barangay si Aljohn Jalbuna, ang suspek nga nagpatay sa 18-anyos nga si alyas Jeje sa sulod sang kwarto sini sa ila balay sa Brgy. Ingay, Tubungan, Iloilo.
Sa interview sang Bombo Radyo kay Police Lieutenant Neil Eric Goniabo, deputy commander sang Tubungan PNP, iya ginpahayag nga base sa ila pagpangusisa, bantog si Jalbuna nga nagapanaka-saka sang mga balay sa tion sang kagab-ihon kag ginapang-ubahan sini ang mga babaye nga iya magustuhan kag nagapalagyo man gilayon.
Nahibaluan nga nadakpan sang otoridad si Jalbuna sa ila balay kaina sang aga kag gin-ako nga siya ang nakapatay sa dalaga.
Nanginwala naman ini nga ginhimuslan niya ang biktima nga baliskad naman sa resulta sang autopsy nga nagakumpirma nga gin-abuso sekswal si alyas Jeje.
