Natalana nga ipaidalom sa forensic examination ang mga specimen nga nakuha sang Scene of the Crime Operatives (SOCO) halin sa kwarto sang 18-anyos nga dalaga nga nasapwan-patay sa Barangay Ingay, Tubungan, Iloilo.
Ang resulta sang amo nga examination ang paga-gamiton agud i-match sa nag-ako nga suspek nga si Aljohn Jalbuna, isa ka 33-anyos nga habal-habal driver kag residente man sang nasambit nga barangay.
Sa imbestigasyon, gin-ako ni Jalbuna nga nagsulod siya sa kwarto sang biktima apang hugot niya nga ginpanginwala nga ginhimuslan niya ini.
Padayon subong nga gina-imbistigaran sang tul-id ang suspek agud nga magtuad kun sin-o pagid ang ang mga kaupdanan sini sa paghimo sang amo nga krimen. Nahibaluan nga may daan na nga kaso sang pagpanakasaka sang mga pamalay ang suspek.
Ginatipon pa subong sang kapulisan ang dugang nga ebidensya agud mapasakaan sang kaso nga Rape with Homicide ang amo nga suspek.
