Ginbuyagyag sang International Atomic Energy Agency (IAEA) nga naigo sang US airstrike ang entrance sang tunnels sang Isfahan nuclear complex sa Iran.
Ang grupo nagsiling nga ang entrada sa mga tanel sa underground sang mga nuclear sites ang nahalitan sang daku.
Gindugang pa nila nga antes ang pag-atake sang Israel sa mga nuclear facilty sang Iran sang Hunyo 13, gintago na sang Iran ang ila uranium sa idalom sang duta sa Isfahan.
Ginreport man sang health ministry sang Iran nga wala sila sang may narekord nga radioactive contamination halin sa nuclear facility nga gin-atake sang US.
