Gintiro sang wala pa makilal-an nga indibidwal ang former broadcaster sa isa ka radio station sa General Santos City.
Ang biktima amo si Ali Macalintal.
Natabo ang pagpangluthang samtang yara ini sa sulod sang ginapanag-iyahan sini nga spa sa Calina Street, Barangay Lagao, Gensan.
Madasig nga gindala sa ospital ang biktima apang gindeklarar nga dead on arrival.
Ginpahayag nga may isa ka lalaki nga nagsulod sa spa kag gintiro ang biktima.
Nagapadayon pa ang imbestigasyon sang kapulisan sa insidente.
