Gin-nominate si US President Donald Trump para sa Nobel Peace Prize.
Si Rep. Earl “Buddy” Carter sang Georgia amo ang naghimo sang nominasyon sa diin gintumod sini ang “extraordinary kag historic nga papel ni Trump sa pagpatunga agud tapuson ang away sa tunga sang Israel kag Iran” kag pagpugong sa Tehran nga maangkon ang pinakamakamamatay nga mga armas sa planeta.
Sa sulat nga ginpadala ni Carter sa head sang Norwegian Nobel Commission sa Oslo matapos gin-anunsyo ni Trump ang ceasefire, ginpahayag sang senador nga ini nga maisog nga lihok ni Trump ang nagapakita sang ideals nga amo ang ginapangita sang peace prize nga kilalahon: ang pursuit of peace, prevention of war, kag advancement of international harmony.
Suno kay Cater, ang mensahe ni Trump tuhoy sa pagrespeto kag kalinong ang magaresulta sa pag-untat sang military activity kag pagslbar sa minilyon nga kabuhi sa Middle East kag iban nga bahin sang kalibutan.
