Kritikal ang kondisyon sang isa ka lalaki matapos nga ginbubuan sang gasolina kag ginsindutan sang isa ka mister nga nagapangimon sa iya sa Barangay Pitogo, Taguig City.
Nag-angkon ang 28-anyos nga biktima sang 3rd degree burns sa iya lawas.
Suno sa Taguig PNP, magluwas sa biktima, may naumid pa nga babaye nga nagapanglaba sang natabo ang insidente.
Ginpahayag nga nagakuti sang iya cellphone ang biktima sang ginpalapitan sang suspek, ginbubuan sang gasolina kag ginsindihan sang lighter.
Madasig nga nalagyo ang suspek.
Suno sa iloy sang biktima, ginapangimunan sang suspek ang iya anak kun sa diin nagpaandam na ini sadto kag ginsulong pa ini sa iya ginaubrahan.
Suno naman kay Barangay Chairman Ives Ebrada, una na nga nag-atubangay ang biktima kag suspek kun sa diin nag-sorry pa ini sa biktima.
May na-isyu man nga barangay protection order batok sa suspek bangud sa pagpanakit, verbal abuse, kag psychological abuse sa iya nga asawa.
