Nangin sentro sang atensyon ang American hurdler nga si Chris Robinson matapos niya nga nadaugan ang 400-meter hurdles race sa Golden Spike meet sa Ostrava, Czech Republic sa pihak sang wala ginlauman ng wardrobe malfunction.
Sa tunga sang iya pagdalagan, naglusot ang iya kinatawo halin sa iya nga shorts.
Sa pihak sini, ginpadayon niya ang pagdalagan samtang ginakay-o ang iya shorts agud matago ang iya kinatawo samtang nagalumpat sa mga hurdle.
Sa finish line, first placer gihapon si Robinson matapos nagrekord sang 48.05 segundo.
Matapos ang karera, naghigda si Robinson sa track nga daw nayuha.
Nag-apologize naman ang mga broadcaster sang Golden Spike sa mga tumalan-aw matapos mapalayag ang wala ginalauman nga eksena.
