Isa ka Filipino-American player ang maga-upod sa pwersa nanday Rookie of the Year awardees Victor Wembanyama kag Stephon Castle sa San Antonio Spurs.
Ini amo si Dylan Harper nga napilian bilang second overall sa 2025 National Basketball Association (NBA) Draft.
Isa siya ka versatile guard halin sa Rutgers University kag napili bilang No. 2 sang San Antonio Spurs.
Pareho sila ni Jalen Green nga may lahi man nga Pinoy nga second overall man sang napilian sang Houston Rockets sang 2021 Draft. Halin sa Ilocos Sur ang mga kaparyentehan ni Green, samtang ang iloy naman ni Harper ang nabun-ag kag nagdaku sa Bataan antes nag-migrate sa US sang naga-edad sang pito ka tuig.
Ini nga 6-foot-7 playmaker ang ginakonsiderar man nga NBA legacy bangud ang iya amay amo ang five-time champion nga si Ron Harper.
Ang amay nga Harper ang nakahampang anay kaupod kanday Michael Jordan sa Chicago Bulls kag Shaquille O’Neal kag Kobe Bryant sa Los Angeles Lakers.
