Natumba ang isa ka mini dump truck sa kilid sang dalan sa bahin sang Barangay Guimbalaon, Silay City.
Ini ang may madamo nga sakay kag ginaalegar nga may mga nadulaan sang kabuhi.
Sa inisyal nga impormasyon, apat ang napatay gikan sa masobra 20 ka mga sakay sang mini dump truck.
Ginapahayag nga ang mga sakay ang lunsay mga Barangay Health Workers gikan sa nagkalainlain nga Barangay sang Silay City.
Sa karun, gindala na sa ospital ang mga biktima.
