Nasapwan nga patay kag wala na sang bayo ang isa ka madre sa ginaarkilahan nga apartment sa Lipa City, Batangas.
Ang biktima am si Sister Rita Rama, 54, tumandok sang Matanao, Davao Del Sur kag nagaistar tempraryo sa La Mera Vigliosa Apartment sa Adelina Homes, Brgy. San Carlos.
Nadiskubre ang bangkay sang madre matapos ini nga ginbisita sang iya nga abyan.
Nagduda ang abyan nga may malain nga natabo sa madre matapos ini makahaklo sang malain nga baho kag nakakandado ang pwertahan kag bintana sang apartment sini.
Gilayon siya nga nangayo sang bulig sa mga opisyal sang barangay kag naabtan ang wala na sang kabuhi nga biktima.
Sa inisyal nga imbestigasyon, nadiskubre ang pagbanog sang lawas sang madre kag may mantsa sang dugo sa pribado nga parti sang iya lawas kag sa bedsheet sini.
Matapos ang maid-id nga imbestigasyon sang Lipa City Police kag SOCO, kag autopsy, naggwa nga myocardial infarction ukon atake sa korason ang kabangdanan sang kamatayon sang madre.
Wala man sang nakita nga ebidensya sang foul play ukon sexual assault kag nagapabilin nga intact ang pribado nga parte sang lawas sini.
