Epektibo na subong nga aga, Hulyo 1, ang rollback sa presyo sang produktong petrolyo.
Nagnubo sang 1.40 ang presyo sang kada litro sang gasolina; P1.80 sa diesel; kag P2.20 sa kerosene.
Ini nga rollback ang ginpatuman kasunod sang big-time price hike sang nagligad nga semana nga gin-utay-utay patuman sang oil companies.
Una na nga nagpahayag ang Department of Energy-Oil Industry Management Bureau (DOE-OIMB) nga ang downward adjustment subong nga semana ang naangot sa anunsyo sang ceasefire sa tunga sang Israel kag Iran nga amo ang nagpakalma sa global crude oil prices.
Antes sini, anum ka sunod-sunod nga semana nga may price hike sa gasoline; apat ka sunod-sunod nga semana sa diesel; kag tatlo ka sunod-sunod nga semana sa kerosene.
