Magabisita ang Korean superstar sa Pilipinas nga si Hyun Bin para sa iya labing una nga fan meet sa pungsod sa Agosto 8, 2025.
Si Hyun Bin ang nagsikat sa bilog nga kalibutan bangud sa iya papel sa hit Netflix series nga “Crash Landing on You” kaupod ang iya co-star nga sa subong asawa na niya nga si Son Ye-jin.
Magabisita ang actor sa Pilipinas sa imbitasyon sang isa ka kilala nga hotel resort chain.
Makakuha sang ticket sa fan meet ang mga fans paagi sa isa ka raffle promo halin Hulyo 1 tubtob 31.
Kada P2,000 nga single receipt sa mga dining outlets sang nasambit nga hotel sa Parañaque kag Quezon City, makahatag sang isa ka raffle entry.
Ini ang pinakauna nga pagbisita ni Hyun Bin sa Pilipinas para sa isa ka meet and greet. Sang una pa, endorser na siya sang isa ka telecommunication company.
Kilala si Hyun Bin bilang isa sa mga pinaka-prominente nga aktor sa Korean Wave.
Nagsikat siya sa mga teleserye pareho sang “My Lovely Sam Soon,” “Secret Garden,” kag “Crash Landing on You,”.
Ginpakaslan niya si Son Ye-jin sang Marso 2022, kag may isa na sila ka anak.
Sa subong, ginahulat sang iya mga fans ang iya pagbalik sa telebisyon sa upcoming nga serye nga “Made in Korea” upod kay Jung Woo-sung.
Ginpromote man niya ang iya action movie nga “Harbin.”
