Nagpirma si Shai Gilgeous-Alexander kag ang Oklahoma City Thunder sa isa ka kasugtanan kun sa diin nakasaad ang 4-year extension sang basketball superstar.
Ang balor nagalab-ot sa $285 milyon nga amo ang pinakamahal nga kontrata sa kasaysayan sang NBA base sa kada tuig nga sweldo. Bangud sini, siya na subong ang may pinakamataas nga single-season average salary sa NBA history.
Gikan si Gilgeous-Alexander sa isa ka maragtason nga season sa liga kun sa diin siya ang ikaapat nga NBA player sa history nga nadeklarar nga MVP, Finals MVP, scoring title, kag nakadaug sang championship sa isa lang ka season.
Nauna na nga nakaobra sini sanday Kareem Abdul-Jabbar (isa ka bes), Michael Jordan (apat ka beses), kag Shaquille O’Neal. #
