Bangkay na sang masapwan ang isa ka babaye nga masahista sa isa ka farm sa Norzagaray, Bulacan.
Suno sa Norzagaray PNP, nasapwan sang mga trabahador sa farm ang bangkay sang babaye nga nakasuksok sang itom nga shirt kag nagalubong ang parte sang lawas sini.
Base sa impormasyon, gilayon nga nagpatigayon sang follow-up kag hot pursuit operation ang pulis tubtob natultulan kag madakan ang suspek nga si alyas “Tano” sa Brgy. District IV, Lemery, Batangas.
Sa imbestigasyon, ginpakadto sang suspek ang masahista nga si alyas “Mari” sang Brgy. San Martin, San Jose Del Monte City, sa kamalig sang farm para magpamasahe apang kulang ang ginbayad sini kag wala nagpasugot ang masahista nga makighilawas.
Bangud diri, nagbaisay ang duha kag gintampa sang babaye ang suspek gani nagbalos ini kag ginhampak sa ulo kag ginbuno tubtob ginbawian sang kabuhi kag iya ini ginlubong.
Nadiskubre lang ang brutal nga krimen sang makita sang mga trabahador sang farm ang nagaulbo nga duta nga ila ginkutkot tubtob nakit-an nila ang bangkay sang babaye.
Narekober man sa lugar ang pala nga gin-gamit sa pagkutkot sa duta kag ang cellphone sang biktima gikan sa suspek nga nagapangatubang subong sang kaso nga murder.
