Ginpaidalom na sa “restricted duty” ang 15 ka pulis nga ginapatihan nga may kahilabtanan sa kaso sang missing nga mga manugbulang humalin sang 2021 tubtob 2022.
Gintawag ni Justice Secretary Jesus Crispin Remulla nga ‘carry out executions’ ang partisipasyon sang mga pulis sa kaso.
Kaangot sini, nakigkita kay Remulla kag iban pa nga opisyal sang DOJ ang mga pamilya sang missing nga manugbulang.
Natabo ang pagbisita isa ka adlaw matapos ginpahayag ni Remulla nga makonsiderar na nga suspek sa kaso sang missing nga manugbulang ang negosyante nga si Atong Ang kag anay aktres nga si Gretchen Barreto matapos ginpangalanan ni Julie “Dondon” Patidongan, alyas Totoy, nga suno sa iya utok sa krimen.
