Kadungan sang iya kaadlawan sang Hulyo 4, nagpanguna sa misa sa Roma si Jaro Archbishop Most Reverend Midyphil “Dodong” Billones.
Ginhiwat ang solemn Mass sa Cappella di San Colombano, della Nazione Irlandese (Chapel of St. Columbanus of the Irish Nation) nga nahamtang sa St. Peter’s Basilica sa Vatican.
Yara man sa espesyal nga selebrasyon si His Eminence Luis Antonio Cardinal Tagle kag ang concelebrating priests halin sa Archdiocese of Jaro kag Diocese of Kidapawan nga yara subong sa Pontificio Collegio Filippino.
Matandaan nga sang nagligad nga Domingo, isa si Archbishop Billones sa metropolitan archbishops halin sa nagkalain-lain nga parte sang kalibutan nga nakabaton sang Pallium halin kay Pope Leo XIV.
Personal ini nga ginpasuksok sang Santo Papa kadungan sang misa sa Solemnity of Saints Peter and Paul sang Hunyo 29, 2025.
Ang Pallium naga-simbolo sang pag-isa sang Arsobispo sa Pope kag naga-simbolo man sang iya papel bilang tagatatap sang metropolitan church.#
(Photo: Jaro Archdiocesan Commission on Social Communications)
