Ginapasiguro ni President Ferdinand Marcos Jr. sa mga mangunguma nga indi na magnubo pa ang presyo sang unmilled rice kadungan sang pagnubo man sang presyo sa merkado kasunod sang ginapatuman nga P20-per-kilo program.
Suno kay Marcos, magapadayon ang pagbakal sang National Food Authority (NFA) sang humay nagikan sa mga mangunguma sa presyo nga P18 kada kilo para sa fresh, kag P19 tubtob P23 kada kilo para sa clean and dry.
Nagpanawagan naman si Senator kag anay Agriculture Sec. Francis Pangilinan sa NFA kag sa local government units (LGU) nga baklon ang humay kag iban pa nga mga produkto nagikan sa mga mangunguma sa presyo nga kaangay sa mga mercado.
Pahayag pa niya, nagakadapat nga i-activate ang Sagip Saka Law nga nagapahanugot sa ila nga mag-procure nga wala na sang public bidding.
