Bukas ang Malacañang nga suportahan ang hagna nga nagatuyo nga i-regulate ang paggamit sang internet sang mga kabataan.
Ini kasunod sa gin-file nga hagna ni Senador Ping Lacson nga hugton ang internet access sang mga menor de edad bangud sa potential nga epekto sini sa ila mental health.
Suno kay Palace Press Officer Claire Castro, handa ang administrasyon nga suportahan ang mga tikang nga nagatuyo nga maprotektahan ang ikaayong-lawas kag interes sang publiko, labi na gid sang mga kabataan.
Dugang pa niya, kun mapamatud-an nga ini nga hagna ang epektibo kag makabulig sa mental well-being sang kabataan, may posibilidad nga ini suportahan sang Presidente.
