Patay ang 23-anyos mga driver matapos nga nakabunggo sa center island sa national highway sa Brgy. Malia-ao, Pavia, Iloilo.
Ang biktima amo si Vann Iver Gaitan Rala, estudyante, residente sang Alibhon, Jordan, Guimaras apang temporaryo nga nagatinir sa banwa sang Sta. Barbara.
Nagagwa sa imbestigasyon nga halin ini sa Sta. Barbara kag padulong kuntani sa syudad sang Iloilo kag sang nakalab-ot sa atubang sang funeral parlor, nadulaan ini sang kontrol kag nakabunggo sa center island.
Ginpahayag naman sang amigo kag utod sang biktima nga nakainom ini sang makahulubog mga ilimnon antes magluntad ang aksidente.
Bangud sa impact, nakaagum ini sang patal nga pilas sa iya ulo kag nagkalain-lain nga parte sang iya lawas. Samtang wasak naman ang motorsiklo sini nga Yamaha Aerox.
Gindala na lang ini sa malapit nga funeral parlor matapos nga gindeklara nga dead on the spot sang Pavia Municipal Physician.#
(Article: Bombo Phauline Pillora)
