Patay ang isa ka manunudlo matapos mahulog sa ginasakyan nga motorsiklo kag malapakan sang isa ka sports utility vehicle (SUV) sa Mandaue City, Cebu.
Ang biktima amo si Reywena Velez Sorono, 57, Grade 5 teacher, nga angkas sang motorsiklo nga ginamaneho ni Rene Bordario Misa, 54.
Base sa impormasyon, padulong ang biktima kag kaupod sini nga rider sa Labogon Elementary School sang may nabungguan nga ido ang motorsiklo.
Nahulog sanday Sorono kag Misa kun sa diin nalapakan ang maestra sang SUV nag ginamaheno sang 18-anyos nga si Heinrich Lee Cañete Pilones sang Liloan.
Nadala pa sa ospital ang manunudlo apang gindeklarar nga dead on arrival samtang pilason naman si Misa.
Posible naman pasakaan ang driver sang kaso nga reckless imprudence resulting in homicide.
